قصيدة بيت الله الحرام

بيت الله الحرام

يا حصرا في قلوبنا احلام و احلام كل واحد فوسط صدروا واش رافد كل واحد عندو حلم و عليه خدام ما كانش الي فتح عينو لقاه واجد ومع مرور العمر عام يجيب عام ايجي ذاك اليوم واحلامنا تتوحد نولوا جميعنا نشوفوا البيت الحرام كل واحد يتمنى يروح لمكة قاصد رغم حبي للعبادة والصلاة والصيام رغم حبي للزكاة وحبي لما نشهد الكعبة تبقى ديما قصة عشق وغرام اسمها كي يخرج من صدري نتنهد وقتاش يا مكة ندخل ليك باحرام لبيك اللهم لبيك من قشي متجرد ما يربطني خيط ولا قولة حرام نطوف بالبيت وكٱني نعاود نتولد نطوف ونكمل سبع اشواط بتمام نصلي زوج ركعات ونبدا نستعد للصفا والمروة باش نسعى بحكام وبين السبع اشواط ندعي و نجتهد او نبقى بجوار بيت الله ثمن ايام وفالثامن نمشي لمنى نروح قاصد نصلي لتم تقصير ولتم نرقد وننام وعند الفجر نقوم باه نروح نصعد لجبل عرفة فالتاسع من الأيام نبقى طول النهار واقف او نتعبد ندعي الله لنفسي و لأمة الإسلام وعند الغروب نهبط لمزدلفة نرقد وبعد لفجر نقوم نستعد للزحام سبعين جمرة كاملة بيها نتزود نمشي قاصد منى فعاشر الايام وفهذاك اليوم الي الناس تعيد نروح نوقف فالعقبة رفقة الرجام نرجم الشيطان بالسبعة ونتعوذ وبعدها نضحي و انحي الاحرام نقص شعري و نحلق وبعها نعاود نرجع باه نطوف فالبيت لحرام انطوف الإفاضة ونزيد نستعد للصفا والمروة و ندير سبعة تمام وبعدها نجع لمنى في يدي شايد السبعين جمرة ونمكث ثلث ايام نرجم الشيطان ومن بعدها نشهد العقبة الكبرى الي تكون فالختام ونرجع للكعبة نطوف ونستعد للرجوع ونصلي ركعتين فمقام إبراهيم ونزور قبر النبي محمد صلى آلله عليه وعليه الف سلام ونصلي ركعتين لتما فالمسجد يا ربي لا تحرم مومن من ذ المقام يا ربي وسهل حجة لكل واحد . وخاتمة كلامي بالصلاة والسلام

على حبيبنا وشفيعنا سيدنا محمد

فيصل كرشوش قصة وقصيد