قصيدة المعرفة

المعريفة

الناس اليوم صارت تحلم.

غير باه تحصل على وظيفة

تحلم انها تشقى و تخدم 

وتتعب وتكسب خبزة نظيفة

شحال من واحد راه يتالم.

وشحال من رب عائلة ماكفى

عاد الحجرة يشوفها دراهم

ويحلم يدخل لدارو بقفة

شحال من شاب كان هايم

ماحسش فالصيف كان الدفا

كان ما بين الناس ملايم 

والناس كامل كانت مصيفة

ودرك الناس راحت تخدم

ولا باش تقرا و صابت حرفة

و هو وحدو قاعد لتم

فالقهوة رشفة مور رشفة

حوس وجرى او ربي عالم

السيفيات والطلبات مستفة

ما عيطولوش والله اعلم

مزال تخصو برك معريفة

ولا ماشي معريفة دراهم

ترمي عليهم مصيريفة

هكذا الناس للاسف راهم

كي الكلاب عايشين بالجيفة

وحتى البنات يحقروهم

ماعادش يحبو الي شريفة

مايحبوش وحدة تحشم

ويفضلو الي تجيهم مكشوفة

هاذيك لما يشوفها يتبسم

كلي جاتو حاجة مهدوفة

هاذيك هي الي توالمهم

كيف النعجة ما بين الخروفا

نسال الله ربي يهديهم 

ويرفد علينا هاذ الصنوفا

ولا يرفدنا و يخليكم

وتولي الارض بيهم مخسوفة

فيصل كرشوش قصة وقصيد